მნიშვნელოვანი სიახლეები
კომპანია Michael Kors-მა ფეხსაცმლის ბრენდი Jimmy Choo 1,1 მილიარდ დოლარად შეიძინა

კომპანია Michael Kors-მა ფეხსაცმლის ბრენდი Jimmy Choo 1,1 მილიარდ დოლარად შეიძინა

მოდური ტანსაცმლისა და ჩანთების მწარმოებელმა Michael Kors Holdings-მა ბრიტანული ელიტური ფეხსაცმლის ბრენდი Jimmy Choo შეიძინა. გარიგებას 896 მილიონ გირვანქად (1,1 მილიარდი დოლარი) აფასებენ.

Jimmy Choo-მ მყიდველის ძებნა ამა წლის აპრილში დაიწყო. ბოლო წლებში კომპანიის გაყიდვები საგრძნობლად იყო შემცირებული.

 გარიგების პირობებით ბრიტანული ბრენდი Michael Kors-ის ქვედანაყოფად იქცევა.

 „ჩვენJimmy Choo გლამურული სტილი და დიზაინი მოგვწონს. ჩვენ ველით Jimmy Choo-ს ჩვენ ელიტურ ჯგუფთან შეერთებას“, - განაცხადა Michael Kors Holdings-ის დამფუძნებელმა და მფლობელმა მაიკლ კორსმა.

 ბრიტანული ბრენდის გაყიდვის გეგმა  Jimmy Choo-ს მთავარმა აქციონერმა კომპანია JAB Holdings-მაც მოიწონა.