მნიშვნელოვანი სიახლეები
ქირურგებმა დამატებითი რეალობის გამოყენებით ურთულესი ოპერაცია შეასრულეს

ქირურგებმა დამატებითი რეალობის გამოყენებით ურთულესი ოპერაცია შეასრულეს

ჩვენ დამატებით რეალობას ხშირად ისე ვუყურებთ, როგორც უცნაურ და საინტერესო სათამაშოს, თუმცა შემქმნელები მათ სამუშაო პლატფორმების რანგში აყენებენ. რაც არ უნდა უჩვეულო იყოს AR-გარნიტურამ გამოყენება ჰპოვა მედიცინაში:  მედიკოსთა გუნდმა Microsoft HoloLens-ის გამოყენებით ურთულესი ოპერაცია შეასრულა.

 ბრაზილიელმა ექიმებმა ქირურგ ენრიკე ლამპერტის ხელმძღვანელობით და AR-სათვალეების გამოყენებით ართროდეზი ჩაატარეს. ესაა სახსრის ხელოვნური ანკილოზის შექმნის ოპერაცია. მისი არსი იმაში მდგომარეობდა, რომ ექიმებს ხერხემლის ფიქსაციისათვის ხრახნები უნდა დაეყენებინათ. ამ საქმის შესასრულებლად AR-გარნიტურა საუკეთესო აღმოჩნდა.

ოპერაციის წინ ექიმებმა კომპიუტერული ტომოგრაფიის დახმარებით ხერხემლის 3D-მოდელი შექმნეს და HoloLens-ზე ხრახნების იდეალური განლაგების პროექცია გამოიყვანეს - მთავარი იყო არ აეცდინათ, ვინაიდან ექიმების შეცდომას შეიძლება ნერვული ქსოვილი სერიოზულად დაეზიანებინა.  პრაქტიკაზე აღმოჩნდა, რომ AR-გარნიტურა სპეციალურ საიმპლანტაციო კომპიუტერულ ტომოგრაფიაზე გაცილებით იაფია და საქმესაც არანაკლებ აკეთებს.

მთავარი უარყოფითი ნიშანი ეს სურათის ხარისხი იყო: დაბალი სიმძლავრე,  კადრების განახლების დაბალი სიხშირე და გამოსახულების დაბალი დეტალიზაცია შესაძლოა ზოგი რთული ოპერაციის გაკეთებისას საკმარისი არ აღმოჩნდეს. სამწუხაროდ ჯერჯერობით Microsoft-ს ბაზარზე სამედიცინო დანიშნულების კომერციული მოდელი გასაყიდათ არ გამოუშვიათ. ლამპერტმა კი ამ მეთოდით დაინტერესებული ქირურგებისათვის სპეციალური კურსი შემოიღო.